இருட்டின் நிறம் இளமஞ்சள் சிவப்பு

எல்லோரும் துயிலச் செல்லும்

இரவு வேளைகளில் நாங்கள்

கண் விழிக்கிறோம்

எங்களது இருட்டு

எங்களிடம் இருந்து பறிக்கப்பட்டு

வெளிச்சம் நிரப்பி

அனுப்படுகிறது!

நள்ளிரவில் இங்கிருந்து

வெள்ளைக்காரனுக்கு கூச்சமில்லாமல்

குட் மார்னிங் சொல்கிறோம்!

தினந்தோறும் வானத்தில் மட்டுமே

விடியலைப் பார்க்கிறோம்

இரவையும் பகலையும்
இருட்டையும்  வெளிச்சத்தையும்
தரம்பிரிக்கத்தெரியாது தவிக்கிறோம்.  

கண்மூடித் தூங்கும் பொழுது

எங்கள் கண்களிலும் 

ஒரு இருட்டு தெரிகிறது

ஆனால் எங்களின் இருட்டு மட்டும்

ஏன் இளமஞ்சள் நிறத்தில் இருக்கிறது?